XushnudbekUz reklama tushumlarini xayriyaga yo‘naltirdi

Нега XushnudbekUz каналида рекламалар кўпайиб қолди?

Айримлар шунақа савол беришяпти. «Биз рекламаларингиз йўқлиги учун ўқирдик» деганлар ҳам бор. Энг аввало барча муштарийларимизга миннатдорлик билдирган ҳолда, саволга жавоб бермоқчимиз.

• 28 март куни каналимизда ижтимоий акция эълон қилган эдик. Унга кўра, корхона ва тадбиркорлар учун @xushnudbek каналида реклама жойлаштиришга катта чегирма эълон қилинди.

• 1 ой давомида рекламадан тушган барча маблағларни эса хайрия мақсадида коронавирус инфекциясига қарши курашиш учун йўналтиришга қарор қилдик.

• Ўтган 5 кун давомида каналда берилган рекламалардан 30 млн сўм маблағ келиб тушди.

• Бугун ушбу 30 млн сўмни «Меҳр-шафқат ва саломатлик» жамоат фондига ўтказиб бердик.

• Бор гап шу. Муштарийларимиздан реклама кўпайгани учун узр сўраймиз ва тўғри тушунишларини илтимос қиламиз.

Ижтимоий акция эса давом этади.

❗️Тадбиркорларни ҳамкорликка чақириб қоламиз. Ҳам реклама жойлаб, ҳам савоб олиш учун Сизда яхши имконият бор. Батафсил:
t.me/xushnudbek/4841