Xushnudbek.uz каналининг хайрия ишлари бўйича ҳисоботи
Ҳисобот
Қилинган хайрия ишларини оммага айтишни унчалик хушламайман, лекин агар у оммавий акция кўринишида қилинган бўлса, албатта халққа ҳисоботи берилиши керак. Бу келгуси эҳсон қилувчиларнинг ишончига сабаб бўлади ва шубҳаларнинг олдини олади.
• 28 март куни каналимизда ижтимоий акция эълон қилган эдик. Унга кўра, корхона ва тадбиркорлар учун @xushnudbek каналида реклама жойлаштиришга катта чегирма (50%) эълон қилинди.
• 1 ой давомида рекламадан тушган барча маблағларни эса хайрия мақсадида коронавирус инфекциясига қарши курашиш учун йўналтиришга қарор қилдик.
• Дастлабки 5 кун давомида каналда берилган рекламалардан тушган 30 млн сўм маблағ «Меҳр-шафқат ва саломатлик» жамоат фондига ўтказиб берилди;
• Кейинги 5 кун давомида каналда берилган рекламалардан тушган маблағ эвазига (бу сафар бироз камроқ пул тушди) Қашқадарё вилоятидаги эҳтиёжманд оилаларга тарқатиш учун 100 қоп ун олиб берилди.
Ижтимоий акция эса давом этади. Бизга яқиндан ёрдам бераётган барчадан Аллоҳ рози бўлсин.
❗️Тадбиркорларни ҳамкорликка чақириб қоламиз. Ҳам реклама жойлаб, ҳам савоб олиш учун Сизда яхши имконият бор. Батафсил:
