Чет тили сертификатлари тизимидаги монополия ва даромад
Юқоридагиларга қўшимча сифатида шуни айтиш мумкинки, қарор лойиҳасига эътироз билдираётганларнинг айримлари (ҳаммаси эмас) ДТМ томонидан бериладиган Чет тилини билиш даражаси тўғрисидаги сертификат тизимининг «банкрот» бўлишидан ва даромад камайишидан хавотирга тушишмоқда. Яъни мўмай пулдан қолиб кетишни ўйлаб ҳам тиш-тирноғи билан қарши бўлишмоқда.
Лойиҳа остига қолдирилган мана бу фикрни ўқигач, ўзингиз ҳам бунга амин бўласиз:
B1 daraja olish IELTS 5,5 ball olishdan murakkab. Yana bir jihati, hozirda milliy sertifikat uchun o‘tkaziladigan bitta imtixonda 5,5 -6 mingga yaqin talabgor ishtirok etyapti, har bir talabgor, imtixonda qatnashish uchun 304 ming so'm(1,5 oklad) to‘laydi. Hisob kitob qiling bitta imtixondan qancha pul tushadi. Ushbu qarordan so‘ng bu summa, bu sonlar keskin kamayadi. Endi hamma IELTSga o‘zini uradi, qimmat bo‘lsa ham, chunki 5,5 olish bu qiyin ish emas, lekin B2 daraja sertifikat olish bu haqiqatda qiyin. Shuni anglab yetishimiz kerak. Xullas, fuqorolik pozitsiyamdan kelib chiqib xulosa qilaman, bu band ya‘ni 1-blokka B2 daraja talab qilinishi yuqorida aytib o‘tganimdek, zarariga ishlaydi, hali bu davrga ham yetib boramiz, lekin hozir emas.
Тасаввур қиляпсизми, ДТМ берадиган ушбу сертификат учун ҳар бир имтиҳонда 2 млрд сўмга яқин пул тушар экан. Йил давомида бир нечта ана шундай имтиҳон ўтишини ҳисобга олсак, сумма кичкина эмаслиги аниқ. Ҳали бу абитуриентлар учун холос. Бундан ташқари чет тили ўқитувчиларнинг ўзи ҳам мажбуран имтиҳон топширишади. Эҳҳеее...
Нима учун бутун дунё тан оладиган IELTS ёки TOEFL каби тизимлардан кўра тестда балл беришдан бошқа ҳеч қаерга ўтмайдиган миллий сертификатни афзал билишимиз керак? Ақли ҳуши жойида абитуриент бундан кейин IELTSга тайёрланиши табиий ва бу жуда тўғри қарор. Чунки у олган халқаро сертификат унга дунё эшикларини ҳам очиши мумкин.
Айтганча, нима учун миллий тизимга бунча кўп одам топширишини биласизми? Чунки илгари тестга фақат шу сертификатгина имтиёз берар эди. Сиз гарчи IELTS орқали ҳатто 7 ёки 8 балл олган бўлсангиз ҳам, лекин қўлингизда B1 даражадаги миллий сертификат бўлмаса, ҳеч ким тан олмасди. Бир сўз билан айтганда - таълимдаги монополия!
Худо хоҳласа, келгуси йилдан кўпни кўрган инсонларнинг жонбозлиги эвазига ушбу бирмунча мантиқсиз қарор бекор бўлиш арафасида. Бу эса айримларга ёқмаслиги табиий. Ҳар имтиҳондан миллиардлаб даромад қилаётганлар қўшқўллаб қарсак чалмайдику ҳар ҳолда.
Ушбу миллий тизим нафақат абитуриентлар, балки ўқитувчиларга ҳам қандай ноқулайликлар келтираётгани ҳақида имкони бўлса балки кейинги постларимда баён қиларман. Буларнинг барчаси ИМХО албатта.
Абитуриентларга оид бошқа янгиликлар: 👇
https://t.me/joinchat/AAAAAEe1KDC7Hm03UPVooQ
