Metsenat.uz лойиҳаси ва таълимга инвестиция ҳақида

Бугунги матбуот анжуманида айтган фикрларимнинг видеоси.

Metsenat.uz лойиҳасини бошлаганимизда кўнглимизда хавотир бор эди. Юриб кетармикин, ўхшармикин, деб кўп ўйланганман. Лекин ниятимиз холислиги учун Ўзига таваккал қилиб бошладик.

Ҳозиргача Metsenat.uz платформасида 1677 нафар ёшларга мўлжалланган 4 млрд 990 млн сўмлик грант ва стипендиялар эълон қилинди.

Шу ўринда барча саховатпеша компанияларга, тадбиркорларга, ташкилот ва идораларга мурожаат қилмоқчиман:

❗️Келинг, майли, балки кўп бўлмаса ҳам, имконингиз етганича эҳтиёжманд ёки иқтидорли талабаларнинг контрактини тўлаш учун ташаббус кўрсатинг. Таълимга инвестиция тикинг. Илмни рағбатлантиринг. Бу ишингиз албатта жамият ривожи учун ҳисса қўшади, қайсидир хонадонларга бахт ва имконият улашасиз.

Биз ушбу хайрли ниятингизни амалга оширишда жон-жон деб ёрдам беришга тайёрмиз. Бундан ҳеч қандай моддий манфаат кўзламаганмиз, бунисидан хавотир олмасангиз ҳам бўлади. Биз фақат ҳомийлар ва талабгорлар ўртасида холис кўприк бўламиз холос.

👉 @xushnudbek 👈