Маҳалла раиси ўз уйини камбағал оиланики деб таништирди
Шедевр воқеа!
Маҳалла раиси журналистни бир уйга обориб, "мана камбағал оила, биз шу оилага ёрдам бердик, камбағалликдан чиқардик, уйини ҳашар қилиб қуриб бердик" дебди.
Ўша уйдаги йигит ҳам буни тасдиқлаб "Отам Россияда (!!!), ўзим жўжа боқиб оила тебратяпман, 30 кишилик тўй қилдим, маҳаллага раҳмат" дебди.
Бу воқеаларни ташкил қилишда прокурор ҳам бош-қош бўлибди.
Ва кейин аниқлансаки, ўша уй маҳалла раисининг ўзининг уйи экан, ҳалиги интервью берган йигит эса унинг ўғли экан.
Товба қилдим, товба қилдим. Нима дейишга ҳам ҳайронман. Менимча, мазза қилиб кулиш керак, йиғлашга кўз ёш қолмади.
Бундан қисқа хулоса шуки, шунчаки ҳамма ёлғон гапиришга ўрганиб қолди, бу одатий иш услубига айланди. Чунки ёлғонлар учун жазо йўқ. Алдоқчилар нари борса битта узр билан қутилиб кетаверади. Катта-катта доирадаги спектакльлар олдида бу маҳалла раиси қилган иш нима бўпти, тўғрими?
