Кремль урушни тўхтатиш шартларини маълум қилди

Украина шартларни бажарса, урушни исталган вақтда тўхтатиш мумкин — Кремль

Киев Москва томонидан қўйилаётган шартларни бажарса, Россия урушни «исталган вақтда» тўхтатиши мумкинлигини Украинага билдирган. «Украиналикларга бу ишларнинг барини бир лаҳзада тўхтатиш мумкинлиги айтилган», — деди Путиннинг матбуот котиби Дмитрий Песков Reuters’га берган интервьюсида.

Бунинг учун, Кремль вакилининг таъкидлашича, Украина ўз Конституциясига тузатиш киритиб, ҳар қандай блокка қўшилиш даъволаридан воз кечиши, шунингдек, Қримни Россияники, ДХР ва ЛХРни эса мустақил дея тан олиши керак.

Маълумот учун, 7 март куни Украина ва Россия ўртасидаги музокараларининг учинчи раунди бўлиб ўтиши кутилмоқда. Бундан ташқари, 10 март куни Украина ташқи ишлар вазири Дмитрий Кулеба россиялик ҳамкасби Сергей Лавров билан Анталияда мулоқот ўтказиши мумкинлиги маълум бўлди.

Суратда — Киев вилоятидаги Ирпень шаҳридан эвакуация қилинаётган украиналиклар вайрон бўлган кўприк остида тўпланмоқда

👉 @xushnudbek 👈