Иккинчи мутахассисликка ҳужжат топшириш тартиби тасдиқланди

Келгуси йилдан бюджетда ўқиганларга ҳам иккинчи мутахассисликка ҳужжат топширишга рухсат берилди

Олий таълим муассасаларида иккинчи ва ундан кейинги таълимни олиш тартиби тўғрисидаги низом тасдиқланди.

➖ Унга кўра, олий маълумотга эга бўлган бакалавр (дипломли мутахассис) даражасига эга шахслар бакалавриат таълим йўналишлари бўйича иккинчи ва ундан кейинги олий таълимни олишлари мумкин.

📆 Ўқишга кириш учун абитуриентлар ҳар йили 10 июлдан 10 августгача (шу куни ҳам) онлайн рўйхатдан ўтади.

✅ Эътиборли жойи, давлат грантида ўқиганлар дипломнинг кўчирмаси билан ҳам рўйхатдан ўта олади. Ҳозир кучда бўлган Низомга кўра, фақат дипломнинг асли талаб этилар, натижада бюджетда ўқиганлар 3 йил ўтмасдан ҳужжат топширолмасди.

🔖 Қабул натижалари ҳар йили 30 августгача ОТМ томонидан эълон қилинади.

❗️Иккинчи ва ундан кейинги олий таълимда ўқиш 2-курсдан бошланади. Ўқиш давомийлиги бакалавриат таълим йўналишидан бир йилга кам этиб белгиланади.

‼️Мазкур тартиб 2022 йил 1 майдан кучга киради.

👉 @xushnudbek 👈