Ички ишлар вазирлигида янги тайинловлар амалга оширилди

Президентнинг тегишли қарорига асосан, Ички ишлар вазирлигида қатор тайинловлар амалга оширилди. Жумладан:

👉 генерал-майор Икрамов Азизбек Исроилович ички ишлар вазирининг ўринбосари – Маънавий-маърифий ишлар ва кадрлар билан таъминлаш департаменти бошлиғи лавозимига тайинланди. У бунга қадар ички ишлар вазирининг жамоат тартибини сақлаш бўйича ўринбосари лавозимида фаолият юритган.

👉 генерал-майор Мирзарахимов Баходир Юлдашевич ички ишлар вазирининг ўринбосари – Транспорт ва туризм объектларида хавфсизликни таъминлаш департаменти бошлиғи лавозимига тайинланди. У бунга қадар ички ишлар вазирининг жазоларни ижро этишни таъминлаш ва ҳарбий тузилмалар бўйича ўринбосари лавозимида фаолият юритган.

👉 полковник Абдуллаев Бекмурод Тожимирзаевич ички ишлар вазирининг ўринбосари – Жамоат хавфсизлиги департаменти бошлиғи лавозимига тайинланди. У бунга қадар Миллий гвардия қўмондонининг жамоат хавфсизлигини таъминлаш бўйича биринчи ўринбосари лавозимида фаолият юритган.

Каналга уланиш:
➖ @uzauz