Абдурасул Абдуллаев Заковат клуби Президенти этиб тайинланди

Абдурасул Абдуллаев «Заковат» клуби Президенти этиб тайинланди

Шу кунларда интеллектуал ўйинларни оммалаштириш мақсадида бир қанча йирик лойиҳалар амалга оширилмоқда. Барча маҳалла ва мактабларда ҳар ҳафталик интеллектуал ўйинлар ўтказиш бўйича илк қадам ташланди. Энди навбат ОТМлар, академик лицей, коллеж, техникум ҳамда ташкилотларга. Буни ҳам қиламиз, Худо хоҳласа.

Катта режаларни амалга ошириш учун яхши жамоа керак, албатта. Бугун «Заковат интеллектуал клуби» ННТ таъсисчиcининг йиғилишида ташкилотнинг янги штат жадвали тасдиқланди.

Унга кўра, “Заковат” клуби Президенти” деган янги лавозим жорий этилди ҳамда устозимиз, «Заковат» ҳаракатининг асосчиси Абдурасул Абдуллаев Клуб Президенти этиб тайинланди.

«Заковат» ННТ директори лавозимига эса клубимизда 15 йилдан ортиқ вақт мобайнида фаол иштирок этиб келаётган билимдон — Умид Наримов тайинланди.

Устозимга ҳам, дўстимга ҳам келгуси ишларида омад тилайман. Насиб қилса, биргаликда ақл-заковат тарғиботи йўлида кўп ишлар қиламиз.

👉 @xushnudbek 👈