Электрон ҳисобварақ-фактура операторлари хизматлари

Аввалроқ хабар қилинганидек, 2020 йилнинг 1 январидан барча турдаги ҳисобварақ-фактуралар электрон кўринишга ўтказилмоқда

Электрон ҳисобварақ-фактура (ЭҲФ) юбориш ва қабул қилиш тизим операторлари орқали амалга оширилади. Бу операторлар ЭҲФларнинг айланиши ва уларни сақлаш билан шуғулланадиган ташкилотлардир. Бугунги шундай операторлар бир нечтани ташкил қилади. Албатта ушбу операторлар хизматлари пуллик, улар бир биридан унчалик фарқ қилмайдиган хизматларни тақдим этса-да, хизмат нархлари ҳар хил.

Масалан, Didox ЭҲФлар алмашиш оператори ҳўжалик юритувчи субъектлардан электрон ҳисобварақ−фактураларни жўнатиш ва қабул қилиш учун деярли пул олмоқчимас.

Фақатгина VIP сервисни хоҳловчилар учун “Премиал” пуллик тарифи мавжуд. Шунингдек, агар жўнатиладиган ҳисобварақ−фактуралар сони 1000дан ошса, у хизмат ҳам пуллик бўлади, лекин очиғини айтиш керак, кўпчилик корхоналар 1000таси у ерда турсин, 300та ҳам ҳисобварақ− фактуралар билан ишламайди. Бу албатта яхши қадам бўлди, чунки сўнги пайтларда янги пуллик хизматларга ижтимоий тармоқлардаги жамоатчиликнинг фикри салбий бўлиб келаётган эди. Бошқа операторлар қандай янгиликлар тақдим этишини кузатиб борамиз.