Ногиронлиги бўлган шахслар учун имтиёзли грант натижалари

​​Диққат, янгилик!

ДТМ сайтида Ногиронлиги бўлган шахсларни имтиёзли равишда қўшимча 2% ли давлат гранти асосида ўқишга қабул қилиш натижалари эълон қилина бошланди.
Расмларга этибор берсангиз, XXX876 рақамли жавоблар варақасини ечган абитуриент дастлаб 74,4 балл тўплаб контрактга кирган.

Бугун қайта текширилганда ушбу абитуриент давлат грантига қабул қилингани маълум қилинмоқда. Изоҳ сифатида Вазирлар Маҳкамасининг 2018 йил 2 июндаги 417-сон қарори келтирилган. Ушбу қарорда айнан ОТМларга ногиронлиги бўлган шахсларни қўшимча давлат гранти квоталари асосида ўқишга қабул қилиш тартиби белгилаб берилган.

Демак, ушбу абитуриент 2% ли қўшимча давлат грантига қабул қилинган ва энди контракт тўламайди, бюджетда ўқийди.

Қабул комиссиясига ногиронликни тасдиқловчи ҳужжатни ҳам қўшиб топширган барча абитуриентлар results2018.dtm.uz сайти орқали грантга кирган ёки кирмаганини текшириб олиши мумкин. Сизларга омад тилайман!

Қуйидагиларга эътибор бериш керак:

1) Абитуриент камида 56,7 балл тўплаган бўлсагина ушбу имтиёздан фойдаланиш ҳуқуқини қўлга киритади;

2) Ногиронлиги бор дегани албатта грантга киради дегани эмас. Бунда 2% лик квота муҳим ўрин тутади. Масалан, жами 100 та талаба қабул қиладиган йўналишда 2 та квота ажратилади. Ушбу йўналишга жами 5 нафар ногиронлиги бўлган шахслар ҳужжат топширган дейлик. Бундай вазиятда ўша 5 нафарнинг барчаси грантга қабул қилинмайди, улар орасида энг кўп балл олган 2 нафари бюджетга тавсия этилади. Қолган 3 нафар шахслар эса умумий тартибда танловда қатнашади. Яъни агар ўзини соф олган бали кириш учун етарли бўлса, киради, кириш учун етарли бўлмаса, талабаликка қабул қилинмайди.

Каналга уланиш: 👇
https://t.me/xushnudbek