Буюк Британияда бепул магистратура учун аризалар қабул қилинмоқда
Xushnudbek.uzMatn1 daqiqa0Шошилинг: Буюк Британияда бепул магистратура!
www.chevening.org/apply саҳифаси орқали Буюк Британия ҳукуматининг “Chevening” (Чивнинг) стипендия дастурига 3 ноябргача аризалар қабул қилинмоқда.
“Chevening” стипендияси лидерлик салоҳиятига ҳамда кучли академик тайёрловга эга бўлган мутахассислар учун мўлжалланган. Стипендия Британиянинг исталган университетида, танланган йўналиш бўйича магистрлик дастурида бепул таҳсил олиш ҳамда турли академик, профессионал ва маданий тадбирларда қатнашиш имконини беради.
Яқинда жорий ўқув йили учун бўлиб ўтган саралашдан сўнг 7 нафар Ўзбекистонлик ОTMларига ўқишга кетди.
Ушбу стипендияни олиш ҳуқуқига эга бўлиш учун номзодларга қўйиладиган шартлар:
✔️Ўзбекистон фуқароси бўлиши;
✔️Бакалавр дипломи;
✔️камида икки йиллик иш тажрибасига эга бўлиш;
✔️ўқишни тугатгандан кейин Ўзбекистонга қайтиб камида икки йил Ўзбекистонда ишлаш;
✔️Буюк Британиянинг исталган университетларида исталган йўналиш бўйича учта магистрлик дастурига мустақил равишда ҳужжатлар топшириш ва камида битта дастурга 2021 йил 15 июлгача тўлиқ қабул қилиниш (Unconditional offer);
✔️инглиз тилини мукаммал даражада билиш. Тилнинг билиш даражасини тасдиқловчи сертификат Chevening томонидан талаб қилинмайди, аммо университетлар талаб қилади.
Стипендия доирасида танланган университетда ўқиш, авиачипта, виза олиш харажатлари қопланади ҳамда ҳар ой Буюк Британияда яшаш харажатлари учун стипендия тўланади.
Батафсил маълумотни қуйидаги веб-сайтдан олишингиз мумкин:
www.chevening.org;
www.chevening.org/scholarship/uzbekistan/
Шунингдек, Буюк Британиянинг Tошкентдаги Элчихонаси ижтимоий тармоқлардаги саҳифаларида:
Facebook: fb.com/ukinuzbekistan
Instagram: @ukinuzbekistan
Twitter: @ukinuzbekistan
