Буюк Британияда бепул магистратура учун аризалар қабул қилинмоқда
Шошилинг: Буюк Британияда бепул магистратура!
www.chevening.org/apply саҳифаси орқали Буюк Британия ҳукуматининг “Chevening” (Чивнинг) стипендия дастурига аризалар қабул қилинмоқда. Фақат сал шошилишингиз керак, чунки дедлайн 5 ноябргача, вақт кам қолди.
“Chevening” стипендияси лидерлик салоҳиятига ҳамда кучли академик тайёрловга эга бўлган мутахассислар учун мўлжалланган. Стипендия Британиянинг исталган университетида, танланган йўналиш бойича магистрлик дастурида бепул таҳсил олиш ҳамда турли академик, профессионал ва маданий тадбирларда қатнашиш имконини беради.
Дастур 1983 йилда очилганидан бери 50 мингдан ортиқ таниқли мутахассислар Буюк Британияда ўқиш имкониятига эга бўлишди.
2020/2021 ўқув йили учун бутун дунё бўйлаб 1500 дан ортиқ стипендиялар ажратилмоқда.
Яқинда жорий ўқув йили учун бўлиб ўтган саралашдан сўнг 10 нафар Ўзбекистонлик мутахассис Буюк Британияга SOAS, LSE, Siti университети, Эдинбург университети ва бошқа ОTMларига ўқишга кетди.
Ушбу стипендияни олиш ҳуқуқига эга бўлиш учун номзодларга қўйиладиган шартлар:
✔Ўзбекистон фуқароси бўлиши;
✔Бакалавр дипломи;
✔камида икки йиллик иш тажрибасига эга бўлиш;
✔ўқишни тугатгандан кейин Ўзбекистонга қайтиб камида икки йил Ўзбекистонда ишлаш;
✔Буюк Британиянинг исталган университетларида исталган йўналиш бўйича учта магистрлик дастурига мустақил равишда ҳужжатлар топшириш ва камида битта дастурга 2020 йил 16 июлгача тўлиқ қабул қилиниш (Unconditional offer);
✔инглиз тилини мукаммал даражада билиш, тилнинг билиш даражасини тасдиқловчи сертификатни (камида IELTS 6.5 ёки TOEFL iBT 79) 2020 йил 16 июлгача тақдим этиш.
Стипендия доирасида танланган университетда ўқиш, авиачипта, виза олиш харажатлари қопланади, ҳамда ҳар ой Буюк Британияда яшаш харажатлари учун стипендия тўланади.
Батафсил маълумотни қуйидаги веб-сайтда олишингиз мумкин:
www.chevening.org;
www.chevening.org/scholarship/uzbekistan/
Шунингдек, Буюк Британиянинг Tошкентдаги Элчихонаси ижтимоий тармоқлардаги саҳифаларида:
Facebook: fb.com/ukinuzbekistan
Instagram: @ukinuzbekistan
Twitter: @ukinuzbekistan
