Блогерларнинг бюджет маблағларини тежашдаги роли

Блогерларнинг бюджетга фойдаси

@davletovuz телеграм канали Давлат активларини бошқариш агентлиги Қорақалпоғистон Республикаси ҳудудий бошқармаси томонидан Trailblazer автомобили харид қилингани ҳақида ёзган эди.

Албатта у бу гапни ҳаводан олмаган. Давлат харидлари порталида амалга ошган харидлар рукнида шундай маълумот тургани учун ёзган.

Давлат активларини бошқариш агентлигининг хабар қилишича, ҳақиқатдан 2 ноябрь куни Trailblazer олишни хоҳлаб, эълон беришган, ҳатто шартнома ҳам тузишган.

Аммо сўнгги вақтларда ижтимоий тармоқда кенг жамоатчилик томонидан билдирилаётган турли фикрлар инобатга олинган ҳолда агентлик бу хариддан воз кечибди ва автомобилни сотиб олмабди.

Блогерларга раҳмат айтиш керак ўзи. Бюджет, яъни халқ пулини дабдабали харидларга сарфлайдиганлар ўйлаб иш қиладиган бўляпти. Масалан, ҳозирги вазиятда Trailblazer учун 400 млн сўм сарфланмабди.

👉 @xushnudbek 👈