Фируз Аллаев Ўзбекистон почтаси тизимини танқид қилди

«Asaxiy» интернет-дўкони асосчиси Фируз Аллаев Фейсбукдаги саҳифасида ёзяпти (имло аслича сақланди):

«Cўнгги вактларда хусусий почталар урнига Ўзбекистон Почтаси орқали ишлашга мажбур бўлдик. Сабаби жуда оддий, хусусий почтанинг офислари фақат вилоят марказларида бўлса Ўзбекистон почтасининг офислари Республиканинг ҳамма жойида бор, имкониятлари жуда кенг.

Лекин, афсуски Ўзбекистон Почтаси ходимларини ўз ишига масъулиятсизлик билан қараши, барча ходимларнинг ўзи билганча иш юритиши, компаниядаги қоғозбозлик кундан-кунда одамни ҳафсаласини пир қилмоқда. Дастлаб, чегараланган миқдорда почта қабул қилган ширкат, энди бизни ҳар куни почта жўнатишимизни кўриб турли хил тўсиқлар ярата бошлади.

Бугун яна бир янгилик бўлди, Ўзбекистон Почтаси орқали 4тадан ортиқ почта жўнатганда фирма директори ҳар сафар печат босиб хат қилиши керак. Ман деярли ҳар куни камида 30та, баъзи кунлари 100тадан ортиқ почта чиқарадиган бўлсам, ҳар куни кетадиган почта рўйхатлари, мижозларнинг исм, фамилия ва отчествосини ва манзилини ёзиб, рўйхат билан хат қилишим керак.

Мани нима учун деган савол қийнайди. Ман маълум миқдорда буюртмани олиб келдим, пулини тўладим, жўнатвордим, қанча почта кўп кетса, шунча кўп даромад, почта шунча хурсанд бўлиши керак. Лекин, нимага жўнатиладиган почта сонини 4тага чегаралаш керак? Бирор мантиқ борми, кимдир тушинтириб бераоладими?

Афсуски, кундан-кунга одамнинг ҳафсаласи пир бўлмоқда ва одам ўша таксилар яхши экан деган хулосасига қайтяпти».

Каналга уланиш: 👇
https://t.me/joinchat/AAAAAEe1KDC7Hm03UPVooQ