АҚШ ва Ўзбекистондаги автомобиль нархлари қиёси

​Ўқинг, фақат йиғламанг

Грин-кард ютиб, ҳозир АҚШда яшаётган дўстим машина олибди. Toyota RAV4 XLE 2021 (расми пастда 👇).

Машина олса нима бўпти, шу ҳам янгиликми, дейсизми?

Мени машина эмас, унинг нархи ва Toyota компаниянинг мижозларга қилаётган таклифи қизиқтириб қўйди.

Машинанинг нархи 29 минг АҚШ доллари экан. Лекин компания уни ҳеч қандай фоизсиз ва қўшимча шартларсиз бўлиб тўлаш орқали сотибди. Дўстим бошланғич тўлов сифатида 2 минг доллар (машина нархининг 6,9%и) тўлабди. Энди ҳар ой 450 доллардан 60 ой тўлар экан.

Энди шуни бизда тасаввур қилиб кўринг.

Масалан, Nexia-3 автомобилининг 4-позицияси 109 млн сўм. Шунда бошланғич тўлов 7 ярим млн сўм бўлади. Ҳар ой 1 млн 691 минг сўмдан 60 ой бўлиб тўланади.

Ёки Малибу Турбо 311 млн сўм. Шунда мабодо Малибу олмоқчи бўлсангиз, дастлаб 22 млн сўм тўлайсиз, кейинчалик 4 млн 800 минг сўмдан 60 ой тўлайсиз.

Қалай, зўр-а?

Шу ўринда баъзи саволлар юзага келади:

❓Ўзбекистонда ҳам шунақа бўлиши мумкинми ёки бу утопиями?

✅ ЖАВОБ: Албатта бўлиши мумкин!

❓ Бунинг учун нима қилиш керак?

✅ ЖАВОБ: Лаънати монополияни бекор қилиб, мантиқсиз импорт божларини кескин пасайтириш ёки бутунлай олиб ташлаш керак.

❓ Ва охирги савол: нима ўзбек халқининг қулай шартларда яхши машина минишига ҳаққи йўқми?

✅ ЖАВОБ: Ҳаққи бор албатта, лекин бунинг учун Грин-кард ютиш керак. Ўзбекистонда ўзбек халқи ҳозирча бунақа шартларда машина мина олмайди.

Саволларим тугади. Жавобларим ҳам.

👉 @xushnudbek 👈