Андижондаги эгизакларга Spark берилди

​​Андижондаги эгизакларга «Spark» берилди

Ўтган йилнинг сентябрь ойида Пахтаобод туманида дунёга келган ва Шавкат, Миромон ҳамда Мирзиё дея исм қўйилган уч нафар эгизакларга Андижон вилояти ҳокимлиги «Spark» автомашинасини совға қилди, деб ёзмоқда @vodiybozor канали.

Айтилишича, ушбу совға вилоят ҳокимининг номидан берилибди. Ростдан ҳам машинада «Президент совғаси» деган ёзув кўзга ташланмайди. Ваҳоланки, аввалроқ Тошкент ва Фарғонада берилган «Cobalt»ларда шунақа ёзув бор эди .

Куни-кеча Чироқчи туманида ҳам дунёга келган 3 нафар эгизакка Шавкат, Миромон, Мирзиё дея исм қўйишган эди. Ҳозирча Қашқадарё вилояти ҳокимлиги уларга қандай совға ҳозирлагани номаълум.

@daryo_live канали Президентга ҳавас қилиб, исмлар қўйилган, лекин ҳали совғага машина берилмаган 3 нафар эгизакларнинг ўзига хос рўйхатини тузиб чиққан эди.

Майли, совға муҳим эмас, асосийси туғилган фарзандлар соғ-омон бўлиб, жамиятга фойдаси тегадиган яхши инсонлар бўлиб етишсин.

Лекин машина зиён қилмайди :)

Каналга уланиш: 👇
https://t.me/joinchat/AAAAAEe1KDC7Hm03UPVooQ