Агробанк фермерлар учун 100 та бепул китоб чоп этди

Бепул 100 та китоб

2018 йилги 52 нафар юртдошларимизнинг ўлими билан якунланган Оқтўбе фожиасини кўпчилик ҳали унутгани йўқ. Ўша воқеа менга қаттиқ таъсир қилган, шу ҳақида ёзган мақоламда бундай фалокатларнинг барчасига сифатсиз таълим айбдор дегандим. Мақоладан парча келтираман:

– “Юртимиз ерлари кам самарали экинлар билан банд қилиняптими? Чунки таълим тизимимиз қишлоқ хўжалиги, ирригация-мелиорация соҳасида бирорта натижа кўрсата олмаяпти”.

Порлоқ келажакни орзу қилар эканмиз, бизнинг бугунги энг асосий вазифамиз - аҳолига таълим бериш, уларни ўқитиш, илм-фанни трендга чиқариш бўлиши керак, деб ҳисоблайман.

Кеча Агробанк томонидан фермерлар учун махус чоп этилган 100та китоблар тўплами тақдимотига бордим ва шундай лойиҳа амалга оширилганидан хурсанд бўлдим. Сабаби бу китоблар орқали агросоҳада фаолият юритаётган тажрибали мутахассислар ҳам, соҳага энди кириб келган ёшлар ҳам, ёки шунчаки уйида бирор нарса етиштирмоқчи бўлган юртдошларимиз ҳам қимматли билимларни олиши мумкин. Ушбу тўплам Туркия, Исроил, Голландия каби деҳқончилик ва чорвачиликда катта тажрибага эга давлатлар олимларидан таржималар асосида, маҳаллий шароитга мослаб тайёрланган, китоб устида катта олимлар жамоаси ишлаган.

Китоб мутлақо бепул, PDF форматида юклаб олса ҳам бўлади. Бундан ташқари, Агробанк кеча билимга, ўқитишга йўналтирилган яна бир лойиҳа - “Фермерлар мактаби”га ҳам старт берди. Ўрганиш, тажриба орттириш учун ажойиб имконият.

100 та китобни юклаб олиш:
👉@agro100kitob_bot