68 баллдан кам тўплаган абитуриентлар тақдири

Квотада жой бўлса ҳам, 68 баллдан кам тўплаб кира олмаганлар энди нима қилади?

Ёдингиздами, айрим йўналишларда аслида квота кўпроқ белгиланган бўлса ҳам, лекин ундан камроқ талаба қабул қилишгани ҳақида ёзган эдим.

Яъни 68 баллдан кам тўплаган абитуриентларни гарчи жой бўлса ҳам қабул қилишмаётган эди.

Ушбу савол кўпчиликни қизиқтираётганини ҳисобга олиб, қўшимча маълумот бериб қўймоқчиман.

Мазкур масала 15 августдан кейин ҳал қилиниши кутилмоқда. Айтишларича, ижобий ҳал бўлиш эҳтимоли юқори.

Бу нима дегани?

Демак, 15 августдан кейин Давлат қабул комиссиясининг қарори билан 68 баллдан паст, лекин 56,7 баллдан кўп тўплаганлар квотанинг тўлмай қолган жойларига қабул қилинади. Эътиборли жиҳати улар супер-контрактга эмас, оддий контрак ёки айрим йўналишларда грантга ҳам қабул қилиниши мумкин.

Чунки, бунга сабаб ДТМ жорий йилда ҳеч қандай асосга эга бўлмасдан 68 баллдан кейин чизиқ тортган. Бу кўпроқ техник хато бўлса керак, яъни ўтган йилги технологияни ўзгартириш эсдан чиқиб қолган. Ёдингизда бўлса тестларнинг илк кунларида техник хатолик сабабли 36 талик саволлар бўйича жавоблар эълон қилинган эди. Худди шундай бу ҳам оддий техник тушунмовчилик деган фикрдаман.

Ҳозирча, ушбу масала юзасидан кутиб туришни маслаҳат бераман. Сабр қилиб. Аввал кутайлик, агар натижа бўлмаса, ана ундай кейин вазиятга қараб бундай тушунмовчиликдан жабр чекаётган абитуриентларга ҳуқуқий томондан масалага ижобий ечим топиш йўлларини тушунтираман. Лекин подадан олдин чанг чиқармасдан, расмийларнинг бу бўйича позициясини албатта кутиш лозим.

P.S.: ижтимоий тармоқларда мазкур вазиятга "найранг" ёки бошқача айбловлар билан чиқиш қилаётган инсонларга кўп ҳам ишонаверманг. Бу ерда улар тахмин қилгандай, ДТМ томонидан ҳеч қандай алоҳида ғараз ният йўқ. 68 баллик минимум узоқ йиллардан буён мавжуд. Сал тест тизимни ичидан билган одам, буни яхши тушуниб турибди.

Каналга уланиш:
https://t.me/xushnudbek