Xushnudbek.uz канали фаолиятидаги узилиш сабаби
Matn11-avgust, 2018, 15:531 daqiqa0 koʻrish
Қисқа тушунтириш
Тест жараёнлари бошланган илк кундан буён каналим анчайин фаол бўлиб ишлади ёки шундай ишлашга ҳаракат қилди. Ҳар куни ўртача 20-25 та хабар жойлаштирилди.
Бироқ охирги 2-3 кунда кескин узилиш пайдо бўлиб қолди. Бундай узилишдан хавотир олганлардан бир нечта хабарлар олдим.
Айримлар ўйлагандек, бундай нофаоллик қандайдир ташқи сабаблар билан боғлиқ эмас. Шунчаки, 3 кун хизмат сафарида эдим, интернет имкони деярли йўқ жойларда.
Мен учун қайғурган, эътибор берган барча инсонларга раҳмат. Албатта, аслида 30 мингдан ортиқ инсонларни бир жойга жамлагандан сўнг, уларнинг ишончини оқлаш ҳам керак, буни яхши тушунаман.
Шунга кўра, имкон даражасида бундай узилишлар бўлмаслигига ҳаракат қиламан.
