Bolalarni 1-sinfga qabul qiliş tartibi maʼlum qilindi
⚡️ Bolalarni 1-sinfga qabul qiliş tartibi maʼlum qilindi
Toşkent şahri, Qoraqalpoğiston va viloyatlarning markazidagi umumtaʼlim maktablarida 1-sinfga qabul jarayonlari tajriba-sinov tariqasida elektron şaklda amalga oşiriladi.
✅ Qabul jarayonlari 2 bosqiçda böladi:
1️⃣-bosqiçda ota-onalar 2021-yilning 15-iyunidan 5-iyuliga qadar my.maktab.uz elektron plaftormasi orqali röyxatdan ötib, farzandlari 1-sinfga çiqadigan maktablarni tanlaydilar. Bunda 3 ta maktabni tanlaş imkoniyati beriladi.
Birinçi maktab - ota-ona doimiy istiqomat qilayotgan mikrohududdagi maktab;
Ikkinçi va uçinçi maktablar - ota-onalarning ixtiyoriy tanlovi asosida farzandlarini qatnaşi uçun qulay bölgan maktablar.
2️⃣-bosqiçda 2021-yilning 6-iyulidan 31-iyulga qadar ota-onalar elektron plaftorma orqali tanlagan birinçi maktabga, yaʼni biriktirilgan mikrohududdagi maktabga hujjatlarini topşiradilar, bunda hujjatlarni topşiriş töliq elektron şaklda amalga oşiriladi.
✅ Agar ota-onalar mikrohudduddagi maktabni emas, boşqa maktablarni tanlagan bölsa, yaʼni elektron röyxatdan ötiş vaqtida tanlagan ikkinçi yoki uçinçi maktablarning birida böş örinlar bölgan taqdirda 1-15-avgust kunlari hujjatlarini topşirişlari mumkin böladi.
✅ Qolgan hududlarda 1-sinfga qabul anʼanaviy şaklda, yaʼni bevosita maktabda amalga oşiriladi.
Bunda ota-onalar 15-iyundan -15 iyulga qadar doimiy yaşaş manzili böyiça biriktirilgan mikrohududdagi maktabga farzandlarini 1-sinfga joylaştriş uçun hujjatlarini bevosita topşirişlari mumkin.
Şuningdek, 16-iyuldan 15-avgustga qadar ota-onalarga ixtiyoriy tanlov asosida boşqa maktablarga, yaʼni mikrohududiga kirmasa ham böş örinlar bölsa, farzandlarini 1-sinfga qabul qiliş uçun boşqa maktabga hujjatlarini topşiriş imkoniyati beriladi.
❗️Eslatib ötamiz, “Taʼlim töğrisida”gi yangi tahrirdagi qonunga asosan bolalar 1-sinfga yetti yoşga töladigan yilda (2014-yil 1-yanvaridan 31-dekabrigaça tuğilgan bolalar) qabul qilinadi.
Mazkur qonun talablari mulkçilik şaklidan qatʼi nazar barça taʼlim muassasalari uçun majburiydir.
👉 @xushnudbek 👈
