Яқин қариндошлар ишончномасиз машина бошқариши мумкин
Эндиликда яқин қариндошлар ишончномасиз автомашина бошқариши мумкин
Агар транспорт воситаси эгасининг суғурта полисида яқин қариндошлар кўрсатилган бўлса, унда улар транспорт воситасини нотариал тасдиқланган ишончномасиз бошқара олади.
Яқин қариндошлар кимлар?
Жавоб: ота-она, эр (хотин), болалар, ака-укалар, опа-сингиллар.
Суғурта полисига яқин қариндошларни қандай қўшиш мумкин?
Жавоб: транспорт воситаси эгаси суғурта компанияларидан янгича шаклдаги суғурта полисида қариндошлик даражасини кўрсатишни талаб қилади.
Қандай ҳужжатлар керак?
Жавоб: суғурта компаниялари шунчаки суғурта полисига яқин қариндошларни ёзиб қўявермайди. Бунинг учун яқин қариндошликни тасдиқловчи ҳужжатларни тақдим этиш керак. Масалан, эр-хотин учун никоҳ гувоҳномаси, ота-она, ака-укалар учун туғилганлик тўғрисидаги гувоҳнома ва ҳ.к.
Суғуртада номи бўлса, яқин қариндошликни тасдиқловчи ҳужжатни ўзи билан олиб юриши шартмасми?
Жавоб: йўқ, шарт эмас. ДЙҲХХ органлари суғурта полисида кўрсатилган яқин қариндошлардан ишончнома ёки қариндошликни тасдиқловчи ҳужжатлар талаб қилмайди.
👉 @xushnudbek 👈
