Осиёча шенген: Silk viza тизими жорий этилиши мумкин
Осиёча шенген - "Silk viza" жорий этилиши мумкин
Қозоғистон Сенати қўмитаси раиси, Нурсултон Назарбаевнинг катта қизи Дарига Назарбаева Ўзбекистон Олий Мажлиси Сенати вакиллари билан учрашувда давлатлар ўртасида визасиз режим ўрнатиш бўйича осиёча шенген - "Silk viza" тизимини яратишни таклиф қилди.
"Шаффоф, очиқ ва дўстона чегаралар яратишимиз керак, шунда ҳамма соҳалар ўз-ўзидан ривожланиб кетади", - дея фикр билдирган Д.Назарбаева.
Шунингдек, у божхона назоратини такомиллаштириш, товар айланмасини ошириш ва туризм соҳаларида ҳамкорлик қилишни таклиф этган. Бунинг учун барча божхона жараёнларини унификациялаштириш (бир шаклга келтириш) ҳамда бунда ахборот технологияларини қўллаш кераклигини таъкидлади.
Ўзбекистон томондан, Сенатнинг қўмита раиси Алишер Курманов икки давлат ўртасида ечилмаган бирорта муаммо қолмаганини таъкидлаган.
Икки томона осиёча шенген - "Silk viza" тизимини жорий этишга оид "Йўл харитаси" ишлаб чиқишга келишиб олишди.
Манба: Zakon.kz
Қуйидаги суратда ўнгдан биринчи Алишер Курманов, қизил кўйлакда Дарига Назарбаева.
(Фото Қозоғистон Сенати матбуот хизмати)
Каналга уланиш: 👇
https://t.me/joinchat/AAAAAEe1KDC7Hm03UPVooQ