Тошкентда янги уй сотиб олиб пропискага кириш тартиби
Тошкентдан доимий прописка олиш учун қиммат уй олиш шарт эмас, янги бўлса бўлди
Вазирлар Маҳкамасининг 22 октябрдаги 845-сонли қарорига биноан прописка олиш тартиби бўйича қатор ўзгаришлар киритилди.
Хусусан, эндиликда Тошкент шаҳри ва Тошкент вилоятида доимий прописка олиш учун албатта энг кам ойлик иш ҳақининг 2500 бараваридан кам бўлмаган уй олиш тартиби бекор қилинди. Бунинг учун қиймати қанча бўлишидан қатъий назар янги қурилган кўчмас мол-мулк сотиб олса кифоя.
Янги қурилган уй деганда туман (шаҳар) ҳокимининг қурилиши тугалланган бинони фойдаланишга қабул қилиш тўғрисидаги комиссия далолатномасини тасдиқлаш ҳақидаги қарори қабул қилинган пайтдан эътиборан уч йил ўтмаган мол-мулк тушунилади.
Масалан, шаҳарнинг чеккароғидан янги қурилган арзон уйлардан сотиб олиб ҳам доимий пропискага кириш мумкин.
Шунингдек, кечаги қарор билан турар жой мулкдори ўз оила аъзоларини ва бошқа шахсларни пропискадан ўтказиш ҳуқуқига эгалиги ҳақида банд киритилди. Бир нечта уй ёки квартирага эга бўлган мулкдор улардан фақат биттасигагина доимий пропискадан ўтиши мумкин.
Лекин бир эътиборли жиҳати Тошкент шаҳри ва Тошкент вилоятида доимий пропискага эга бўлмаган фуқароларнинг иккиламчи бозордан кўчмас мулк сотиб олишига ҳозирча рухсат берилмади.
Ваҳоланки, Ҳаракатлар стратегияси доирасида 2018 йил 22 январь куни ПФ-5308-сонли Президент фармони билан қабул қилинган 2018 йилги давлат дастурининг 56-бандида "Тошкент шаҳри ва вилоятида доимий пропискага эга бўлмаган фуқаролар учун асоссиз спекуляциянинг олдини олиш чораларини кўрган ҳолда иккиламчи бозордан кўчмас мулк сотиб олишга бўлган чекловларни бекор қилиш" вазифаси ҳам белгиланган эди. Мазкур банд ижроси 20 март кунигача таъминланиши ва норматив-ҳуқуқий ҳужжатлар лойиҳалари ишлаб чиқилиши лозим эди.
Ёдингизда бўлса, Адлия вазирлиги Давлат дастурининг ушбу банд ижроси юзасидан ҳужжат лойиҳалари ўз вақтида ишлаб чиқилганини алоҳида таъкидлаган эди. Кутамиз, лойиҳа қачон тасдиқланар экан. Йил тугашига ҳам унча кўп вақт қолмади лекин. Жаа нариги йилга ўтказиб юборишмаса керак. Яна ҳам ким билсин.
Пропискага оид шунча енгилликларни ҳазм қилиб турингчи, қолгани ҳам бир гап бўлар. Асосийси яхши ўзгаришлар бўляптику.
Каналга уланиш: 👇
https://t.me/joinchat/AAAAAEe1KDC7Hm03UPVooQ