Тошкентда гўшт нархига чеклов ўрнатилди

Яна бир мантиқсиз ҳаракат: Тошкентда гўшт нархига чеклов ўрнатилди

Тошкентдаги Паркент бозорида гўшт 60 минг сўмдан сотилмоқда, бироқ жуда кўп суяк ва ёғ қўшиб бериляпти. Исмини ошкор этишни истамаган сотувчининг «Gazeta.uz»га маълум қилишича, «президент фармони» билан гўшт нархига 60 минг сўмлик чеклов қўйилган, шу боис у ёғ ва суяк қўшиб беришга мажбур бўляпти. Ўтган ҳафта худди шу гўшт 70 минг сўм бўлган. Сотувчининг фикрича, нархни назорат қилиш бефойда, вазият янада ёмонлашади, бундан аввал ҳам шу каби ўхшамаган уринишлар кўп бўлган.

Мақолани тўлиқ ўқиш:
https://daryo.uz/k/2020/10/18/toshkentda-gosht-narxiga-cheklov-ornatildi/

Салла деса каллани олишга ўхшаш иш бўляпти, шекилли. Чунки гўшт нархини 60 минг сўмдан ошмаслигига оид ҳеч қанақа Президент фармони қабул қилинмаган, бу ёлғон.

Бозордаги нархларни давлат ўзининг маъмурий буйруқлари билан назорат қилишга уриниши бефойда ва мантиқсиз ишлигини айтиш шартмас, буни мактаб ўқувчиси ҳам яхши билса керак. Ахир Ҳукуматнинг молия-иқтисод секторида бозор қонуниятларини жуда яхши тушунадиган, замонавий фикрлайдиган инсонлар ишлар эди-ку. Наҳотки улар бу мантиқсиз ишларга жимгина томошабин бўлиб туришса?

👉 @xushnudbek 👈