Toshkentda 5 yil ishlaganlar doimiy ro‘yxatga olinadi

⚡️Тошкент шаҳри ва вилоятидаги давлат ташкилотларида 5 йил узлуксиз ишлаган шахслар яшаётган жойи бўйича пропискага қўйилади

Бундан буён Тошкент шаҳри ва вилоятидаги давлат ташкилотларида 5 йил узлуксиз ишлаган мутахассислар мазкур ҳудудларда доимий яшаш жойи бўйича рўйхатга олинади. Президент Шавкат Мирзиёев 21 апрель куни имзолаган фармонда шундай белгиланган.

Яъни, Kun.uz’нинг ҳукуматдаги манбаси тушунтиришича, фуқаро пойтахтда ёки Тошкент вилоятидаги умумтаълим мактабида ўқитувчилик қилса, мактаб директорининг; поликлиникада ишласа, поликлиника мудирининг маълумотномаси билан пропискага кириши мумкин.

Бизнинг изоҳ: демак 11-банд бўйича ишхонаси орқали пропискага киришда талаб этиладиган энг юқори ташкилот раҳбари имзоси билан тавсиянома бериш тартиби бекор бўлади. Бу тизим коррупциянинг ғирт уяси эди (айримлар пропискани сотиш билан шуғулланишган) ва бир ходимни иккинчисидан, бир ташкилотни бошқасидан устун қўйиб камситадиган тизим эди.

Ҳозирча Фармоннинг расмий матни эълон қилинмади, эълон қилингач, барча ўзгаришлар ҳақида батафсил маълумот беришга ҳаракат қиламан.

👉 @xushnudbek 👈