Тошкент мактаблари ўртасида Заковат мусобақаси ўтказилади

ДИҚҚАТ! ТОШКEНТ ШАҲРИДАГИ МАКТАБЛАР ЎРТАСИДА “ЗАКОВАТ” ЎЙИНИ БЎЙИЧА “ҲОКИМ КУБОГИ” МУСОБАҚАСИ ЎТКАЗИЛАДИ

Турнирда барча турдаги умумий ўрта таълим муассасалари, жумладан давлат, хусусий, ҳарбийлашган, ихтисослашган ва бошқа турдаги мактаб жамоалари иштирок этиши мумкин.

Мукофот жамғармаси: Интеллектуал турнирида ғолиб бўлган мактаб жамоалари ва ўқувчилар қуйидаги совринлар билан тақдирланади:

1-ўрин: махсус кубок, мактаб учун – 10 дона компьютер жамланмаси, ўқувчилар учун – планшет;
2-ўрин: мактаб учун – 200 дона китоблар жамланмаси, ўқувчилар учун – букридер;
3-ўрин: мактаб учун – 100 дона китоблар жамланмаси, ўқувчилар учун – 10 донадан китоблар.

Турнир 2 босқичда бўлиб ўтади:
1) саралаш (туман) босқичи (24-28 февраль);
2) финал (шаҳар) босқичи (10 март).

Турнирда ҳар бир мактабдан 8 нафар ўқувчидан иборат битта жамоа иштирок этади. Жамоа таркибига 7-11-синф ўқувчиларини киритиш мумкин.

Мактаблар 23 февралга қадар қуйидаги манзил бўйича турнирда қатнашиш учун онлайн ариза топширишлари ҳамда жамоа таркиби ҳақидаги маълумотларни юборишлари лозим.

АНКЕТА ЮБОРИШ - https://forms.gle/9YtQ7tsoM8p2mqTs6

Батафсил маълумот: @zakovat канали ёки www.zakovat.tv сайтида

❗️Тошкент шаҳридаги мактабларни ушбу интеллектуал турнирда қатнашиш ва ўзаро билимларини синашга чорлаб қоламан!