Тонировка ва йўл ҳаракати хавфсизлиги масаласи

Ички ишлар вазирлиги вакили айтмоқда: «Автомобиллар ойналари қорайтирилгани йўл-транспорт ҳодисаси содир этилишига сабаб бўлмайди. Ўзбекистонда айнан «тонировка» туфайли юз берган ЙТҲ рўйхатга олинмаган».

❓Агар тонировка йўл ҳаракати учун ҳеч қандай хавф туғдирмаса, унда нега уни ўрнатиш пуллик? Нега жарималари рекорд даражада қиммат?

Майли, рухсатнома учун қандайдир рамзий тўлов бўлсин ҳам дейлик, лекин бу тўлов нима учун олд ва орқа ён ойналарга 11 млн 150 минг сўм, орқа ён ойнанинг ўзига 1 млн 115 минг сўм этиб белгиланган? Ва бу тўлов бир йил учун холос.

Бу нарх нимага асосан белгиланган? Ва бу нарх адолатли деб айта оламизми? Масалан, орқа ён ойнага тонировка қилишни текин ёки айтайлик 20-30 минг сўм қилиб қўйсак, жамиятга бирор зарар етадими?

Орқа ён ойнага парда ўрнатиш ҳуқуқини қўлга киритиш учун бир неча йил курашиб, судма-суд юрилганини эслайман-да, ҳеч бўлмаса шунисига ҳам шукр деб қўяман ичимда. Қонунда шундоқ ҳам бор ҳуқуқларга шунча курашдик, йўғига эришиш янада қийин-ов...

👉 @xushnudbek 👈