Талабалар ўртасида Интеллектуал ўйинлар ҳафталиги ўтказилади

Талабалар ўртасида Интеллектуал ўйинлар ҳафталиги ўтказилади

Кечаги форумда Президент нутқида айтилган таклифлар ичида мени энг хурсанд қилгани - бу олий ўқув юртлари ўртасида Интеллектуал ўйинлар ҳафталиги ўтказилиши ҳақидаги таклиф бўлди. Буни анчадан буён орзу қилиб юрар эдим.

Сабаби юртимизда спорт, мода, санъат, кино, IT, ҳаттоки асаларичилик ҳафталиги ўтказиладию, лекин Интеллектуал ҳафталик йўқ эди.

«Заковат» клуби талабалар ўртасида интеллектуал ўйинларни 20 йилдан буён ўтказиб келади. 2018 йилда бутун республика бўйлаб илк марта «Талабалар кубоги»ни ташкил қилгандик. Ўшандан асосий молиявий кўмакни Халқаро меҳнат ташкилоти берганди. Нега халқаро ташкилотлар ёшларимиз ўртасида интеллектуал тадбирлар ўтказишни қўллаб-қувватлайдию, лекин ўзимизникилар бунга етарли эътибор қаратмайди, деб сиқилардим.

Менимча, Президент топшириғидан кейин энди вазият ўзгарса керак. Фақат буёғи қандай ижро этилишига ҳам боғлиқ, албатта.

Лекин талабалар ўртасида даҳшатли даражада зўр интеллектуал турнирлар ўтказса бўлади. Ишонаверинг.

👉 @xushnudbek 👈