Таксичиларга енгиллик бериш масаласи кечикмоқда

Таксичиларга қачон енгиллик берилади?

Бугун иқтисодий сектор вакиллари иштирокидаги брифингда масъуллардан нима учун таксичилар ҳалигача ўзини-ўзи банд қилувчи шахслар тоифалари рўйхатига киритилмаётгани, май ойида Президент берган топшириқ ҳалигача ижро этилмагани ҳақида савол бердим.

Молия вазири ўринбосари Дилшод Султоновнинг айтишича, таксичиларни тоифага қўшишга оид ҳужжат келишиш ва техник нуқтаи назардан чўзилиб кетаётган экан. Таксичиларнинг ҳар куни техник ва тиббий кўрикдан ўтишига оид талабларни юмшатиш қийин бўлаётган экан.

Ўзи доим шунақа, бюрократияни жорий қилиш жуда осон, 1та қарор етади. Аммо уни бекор қилиш, вазиятни енгиллаштиришга йиллар кетиб қолади.

Ҳурматли масъуллар, ортиқча бюрократия сабаб кўчада минглаб нолегал таксичилар юради, уларни давлат ҳеч қанақа назорат қила олмаяпти (рейд қилиб, таксичиларни қон-қақшатиб жарима тортишаётгани ҳисобмас). Ундан кўра, тартиб қанча енгиллашса, қонуний ишлайдиганлар шунча кўпаяди.

Буни англашга яна қанча вақт керак, кутамиз.

👉 @xushnudbek 👈