Айрим мактабларда анъанавий ўқиш бошланди

Бугундан айрим мактабларда анъанавий ўқиш бошланди

7 сентябрдан 329 та мактаб фаолиятини бошлади. Бу ҳақда Халқ таълими вазирлиги матбуот хизматига таяниб ЎзА (@uzauz) мухбири хабар бермоқда.

Мактаблар фаолиятини йўлга қўйиш юзасидан тегишли қарор Санитария-эпидемиология ва осойишталик марказининг хулосаси асосида маҳаллий халқ депутатлари Кенгашлари томонидан қабул қилинади.

Янги 2020/2021 ўқув йили расман 14 сентябрдан бошланади.

Маълумот учун, Халқ таълими вазирлиги томонидан ўтказилган сўровномада 5 миллион 500 минг ота-онадан 76 фоизи таълим жараёнини мактабга қатнаган ҳолда, яъни анъанавий шаклда олиб бориш тарафдори бўлган, 24 фоизи эса масофавий шаклда – теледарслар орқали давом эттиришни маъқул кўрган.

👉 @xushnudbek 👈