Сувайш каналини тўсиб қўйган юк кемаси саёзликдан чиқарилди

Сувайш каналини тўсиб қўйган юк кемаси саёзликдан чиқарилди

Бугун маҳаллий вақт билан соат 4:30лар атрофида «Evergreen» компаниясига қарашли контейнер ташувчи кема қутқарув хизматларининг учинчи уринишидан кейин Сувайш каналидаги саёзликдан чиқарилди. Бунинг учун 27 минг кубометр тупроқ қазиб олинган.

Маълумотга кўра, кема ўз йўналиши бўйича ҳаракатланган ва каналдаги ҳаракатни ортиқ чекламайди.

Қарийб 200 минг тонна юки бўлган улкан кема шу йил 23 март куни саёзликка ўтириб қолиб, Сувайш каналидаги ҳаракатни тўлиқ чеклаб қўйган ва жаҳон молиявий бозорига катта таъсир кўрсатган эди. Кеманинг саёзликдан чиққани ҳақидаги хабарлар ортидан халқаро биржаларда нефть нархи яна арзонлашишни бошлади.

👉 @xushnudbek 👈