Супер-контракт учун таълим кредити олса бўладими
Супер-контракт учун таълим кредити олса бўладими?
Кўпчиликни қизиқтираётган саволлардан бири - айнан шу.
Таълим кредити беришга оид қонун ҳужжатлари қабул қилинган пайтда ҳали қўшимча контракт деган нарса йўқ эди. Шу сабабли бу масала норматив ҳужжатларда аниқ кўрсатилмаган.
Вазирлар Маҳкамасининг
2001 йил 26 июлдаги 318-сон қарорига кўра, таълим кредитлари тижорат банклари томонидан ОТМларнинг кундузги бўлимларига тўлов-контракт асосида қабул қилинган талабаларнинг ўқиши учун берилиши мумкин.
Бу ерда муҳим жойи - «қабул қилинган» сўзи. Қўшимча контрактда аввал 100% лик тўлов амалга оширилади, ундан кейин октябрь ойларига бориб ўша абитуриентларни қабул қилиш ҳақида қарор чиқади. Токи тўловни амалга оширмагунча улар талабаликка қабул қилинган ҳисобланмайди.
Шунга кўра, супер-контракт учун таълим кредити бериш амалдаги қонунчиликда белгиланмаган.
Агар мабодо бўлган тақдирда ҳам, банклар барибир бермасди, менимча. Чунки таълим кредити қайта молиялаш ставкаси бўйича, яъни йиллик 14% га берилади. Бу дегани таълим кредитлари банклар учун «невыгодно».
Шунингдек, таълим кредити учун алоҳида катта ресурслар ҳам ажратилмайди, бундай шароитда банклар бир неча юз миллионлаб маблағини 14% лик кредитга ажратишни хоҳламасди албатта.
Юқоридагиларни инобатга олиб, банклардан супер-контракт учун кредит олиш амалда ушалмас орзу.
Ўзи 8 млн сўмлик контрактга кредит ололмай халқ сарсон бўладику, 200 млнга йўл бўлсин.
Каналга уланиш: 👇
https://t.me/xushnudbek