Raxmat Mamatov senator etib tayinlangan

Янги вазир — сенатор

Айтганча, янги вазирликка вазир этиб тайинланган ва унгача «Маҳалла» хайрия жамоат фонди раиси лавозимида ишлаб келган Рахмат Маматов Президент томонидан салкам 1 ой олдин сенаторликка тайинланган экан. Аммо ушбу Фармон LexUz порталида ҳам, бошқа расмий манбаларда ҳам эълон қилинмагани учун, бехабар эканман.

Ногаҳон бугун «Маҳалла» кенгашининг сайтида бу ҳақдаги хабарга кўзим тушиб қолди. Хабарда айтилишича, 2020 йил 22 январдаги ПФ-5921-сонли Президент Фармонига биноан, Фуқароларнинг ўзини ўзи бошқариш органлари фаолиятини мувофиқлаштириш бўйича республика кенгаши раисининг биринчи ўринбосари - Ўзбекистон «Маҳалла» хайрия жамоат фонди республика бошқаруви раиси Маматов Рахмат Тошназарович Ўзбекистон Республикаси Олий Мажлиси Сенати аъзоси этиб тайинланган.

Сенатнинг расмий сайтида ҳам бу ҳақда бирор хабарга кўзим тушмадию, лекин сенаторлар рўйхатида Рахмат Маматов учун алоҳида саҳифа очилибди.

Шундай қилиб, ҳозирча Президент томонидан расман тайинланган 14 нафар сенатор номи маълум, яна 2 киши ҳозирча тайинланмади.

👉 @xushnudbek 👈