Пенсия ва нафақаларни картада олувчиларга 1% қўшиб берилади

❗️Нотўғри тушунманг: пенсия ва нафақаларни пластик картада олувчиларга давлат 1% миқдорида қўшимча тўлов қўшиб беради. Бу яхши хабар!

Президентнинг тегишли қарори билан 2022 йил 1 майдан бошлаб:

➖ пенсия ва нафақа тўловлари учун зарур маблағлар ҳар ойнинг 5-санасигача молиялаштирилади;

➖ пенсия ва нафақалар ҳамда моддий ёрдам пулларини нақд пулда етказиб бериш хизматлари учун 1 фоиз миқдорда АТ “Халқ банки”га хизмат ҳақи тўлаб берилади;

➖ сайёр кассалар маҳалла фуқаролар йиғинларига борган ҳолда пенсия ва нафақа олувчиларнинг карталаридаги маблағларини уларнинг хоҳишларига кўра нақд пулга алмаштириб беради;

➖ пенсия ва нафақаларни банк карталари орқали олувчиларга ҳар ойлик пенсия ва нафақа пулининг 1 фоизи миқдорида қўшимча тўлов жорий қилинади.

‼️ Яъни пенсионерлар картасига 1% ортиқча пул келиб тушади.

Агарда пенсия ва нафақа маблағлари банк карталари орқали олинса ва картадаги маблағ нақдлаштирилмасдан фойдаланилса, ушбу 1 фоиз миқдорида бериладиган қўшимча маблағ пенсионер ихтиёрида қолдирилиши назарда тутилган.

Мабодо пенсионер маблағини банкоматдан нақдлаштириб оламан деса, ўша қўшиб берилган 1% ечиб олинади. Яъни бунда пенсионернинг баъзавий пенсия маблағига умуман тегилмайди.

👉 @xushnudbek 👈