O'zbekiston 24 aybsizlik prezumpsiyasini chetlab o'tyapti
«O'zbekiston 24» айбсизлик презумпциясини четлаб ўтяпти
Кун.уз нашрида бироз аввал шу номдаги мақола эълон қилинди. Унда айтилишича, «O'zbekiston 24» телеканали ҳуқуқ-тартибот органлари билан ҳамкорликда тайёрланган лавҳада мамлакат қонунчилигида белгилаган айбсизлик презумпциясини четлаб ўтган.
«Бели оғримасдан нон ейишни, ўғрилик ортидан даромад топишни касб қилиб олганлардан бири Ҳ.Д.дир (телеканал айбланувчининг исми-шарифини тўлиқ таъкидлаган — таҳр.)», —деб бошланади лавҳа.
O'zbekiston 24 мухбирлари ҳали суд қарори билан шахснинг жинояти тасдиқланмай, Ҳ.Д.нинг барча шахсий маълумотлари ва юз кўринишини эфир орқали оммага кўрсатган ҳолда уни жиноят содир этганини тасдиқлаган.
Бош прокуратура матбуот котиби Сурайё Раҳмонованинг Kun.uz'га маълум қилишича, Ҳ.Д.га нисбатан 2018 йил 28 декабрда Жиноят кодексининг 169-моддаси 3-қисми «а» банди, 227-моддаси 2-қисми «а» бандлари билан айблов эълон қилинган ва унга нисбатан юритилган жиноят иши ўтган йилнинг 29 декабрь куни судга юборилган.
Кун.уз нашри Олий суд расмий вакили Азиз Обидов билан ҳам боғланган, унинг айтишича, Ҳ.Д. иши бўйича суд якуний қарорига келмаган ва суд иши ҳали давом этмоқда. Яъни Ҳ.Д. ҳаракатлари юзасидан кучга кирган суд ҳукми мавжуд эмас.
«Жиноят-процессуал кодексига кўра, гумон қилинувчи, айбланувчи ёки судланувчи унинг жиноят содир этишда айбдорлиги қонунда назарда тутилган тартибда исботлангунга ва қонуний кучга кирган суд ҳукми билан аниқлангунга қадар айбсиз ҳисобланади. Яъни ҳар ким, жумладан ОАВ ҳам айбсизлик презумпцияси тамойилига қатъий амал қилишга мажбур», - дейилади мақолада.
P.S.: Мақолада айтилган фикрларга тўлиқ қўшиламан. Айбсизлик презумпциясига амал қилиш ҳақида авваллари ҳам бир неча бор ёзган эдим. Шахснинг қадр-қиммати ҳамма нарсадан устун. Сал қонунларни ва инсонлар шаънини ҳурмат қилишни ўргансак ёмон бўлмасди.
Каналга уланиш: 👇
https://t.me/joinchat/AAAAAEe1KDC7Hm03UPVooQ