Nukusdagi tartibsizliklarda harbiy avtobuslarga hujum
Ҳарбий автобусларнинг ёқиб юборилиш воқеаси
Қорақалпоғистон Республикаси комендатурасининг хабар беришича, Нукусдаги оммавий тартибсизликларда олдиндан пухта тайёргарлик кўрган, турли ҳарбий тактикалардан хабардор бўлган гуруҳлар қатнашгани бир қанча далиллар билан аён бўлиб бормоқда.
Масалан, ўша куни тунда ҳарбий хизматчиларни олиб кетаётган мана бу 2 та махсус автобусга аниқ тактика орқали ҳужум уюштирилган.
Воқеа иштирокчиси бўлган ҳарбийлар билан суҳбатда бу ҳужум қандай бўлганига қизиқдик.
Дастлаб кўчаларда бир нечта машина балонлари ёқилиб, баррикада ҳосил қилинган ва йўллар тўсилган. Баррикадани айланиб ўтиш учун автобуслар секинлашганда қоронғу ва пана жойдан бир гуруҳ шахслар отилиб чиқиб, оғир тошлар билан ойналарни синдиришган.
Шундан сўнг, синган жойдан қўлбола ясалган “Молотов коктейли” отилган. Натижада автобус ичида ёнғин келиб чиққан (суратда ҳам автобус ичи қоп-қора бўлиб кетганини кўриш мумкин).
Шундан сўнг, охирги босқичга ўтишган — автобусга олдиндан тайёрлаб қўйилган челакларда бензин сепишган. Катта эҳтимол билан бундан мақсад, автобус ичидаги ёнғинни катта алангага айлантириш ва бу орқали ёки ичкаридаги ҳарбийларни тириклай ёқиб юбориш, ёки ёнғиндан қочиб, эшикларни очиб ташқарига чиққанда уларни асир олиш бўлган.
Ҳайдовчининг уддабуронлиги сабаб челакларда сепилган бензин автобус ичига эмас, балон атрофига теккан (расмда бензин доғи кўриниб турибди).
Автобус ичидаги ёнғинни эса бир амаллаб ўчириб олишган, аммо бу жараёнда бир қанча ҳарбий хизматчилар турли даражадаги оғир ва енгил куйиш тан жароҳатини олишган. Чунки кимларнингдир кийимлари ҳам ёниб кетган. Аллоҳга шукрки, ҳеч ким вафот этмаган.
Ҳозирда ушбу ҳолат бўйича ҳам тергов жараёнлари олиб борилмоқда.
Шунингдек, расмларда тартиббузарлар томонидан ёқиб юборилган тинч аҳоли ва тадбиркорларнинг транспортларини ҳам кўриш мумкин.
👉 @xushnudbek 👈
