Matn.uz: ўзбек тилидаги матнлар имлосини текшириш хизмати
Xushnudbek.uzMatn1 daqiqa0Matn.uz - ўзбек тилидаги матнлар имлосини текшириш хизмати
Ўзбек тили ҳақида кўп гапирамизу, лекин она тилимизга бағишланган лойиҳалар минг афсуски унчалик кўп эмас.
Интернетда, ОAВларда, газета ва журналларда ҳамда кундалик ҳаётда имло хатолари жуда кўп кузатилади. Шунинг учун матнни имло хатоларидан текширадиган платформаларга эҳтиёж юқори. Анчадан буён ҳамфикр дўстларимиз билан шу бўйича лойиҳа қилишни режалаштириб юрар эдик.
Ҳозирда синов-тест режимида ишлаётган matn.uz сайтида матнлар имлосини текшириш, имло луғати, матнни лотин-кирилл ёзувларига ўгириш каби функциялар ишлаб турибди.
Шунингдек, платформанинг Android ва iOS тизимлари учун мобил иловалари ҳам ишлаб чиқилди.
- Android учун кўчириб олиш
- iOS учун кўчириб олиш
Энг асосий жиҳати лойиҳа УМРБОД БЕПУЛ мақомида бўлади.
❗️Кўнгиллилар диққатига!
Ҳозир лойиҳани янада кенгайтириш устида бош қотиряпмиз.
Хусусан, яқин кунларда matn.uz платформасига 80 мингдан ортиқ сўз ва сўз бирикмасидан иборат Ўзбек тилининг изоҳли луғатини жойлаштиришни режа қилганмиз. Муаллифлик ҳуқуқига амал қилган ҳолда, албатта.
Бунинг учун бизга ёрдамчи кучлар керак. Агар Сиз ўзбек тили ривожига беминнат ёрдам беришни истасангиз, унда қуйидаги ҳавола орқали кўнгиллилар жамоасига қўшилиш учун ариза юборишингизни илтимос қиламиз:
Унутманг, ўзбек тилини ўзимиз ривожлантирмасак, четдан келиб ҳеч ким ривожлантириб бермайди.
Лойиҳа канали: @matnuzofficial
