Молия вазирлигининг тиббиёт ходимлари маоши бўйича жадвали

#муштарийдан_мактуб
(имло аслича сақланди)

«Ҳурматли Хушнудбек, каналингизда келтирилган Молия вазирлиги томонидан эълон қилинган юқоридаги жадвалда вазирликнинг бир ҳийласи менинг диққатимни тортди ва бу ҳақида эслатма беришни лозим топдим.

Жадвал орқали вазирлик тиббиёт ходимлари маошининг оширилиши уларнинг реал даромадида қандай акс этишини ифодалашга уринган. Ҳозирда оддий врач ва ҳамширалар оладиган ойлик маошларни Молия вазирлиги маълумотларида қайд этилиши шармандали кўриниши мумкинлигидан уялибми, ёки «Мана тиббиёт ходимларининг маошлари ҳам яхшиланиб қолди» деган таъсурот уйғотиш учунми, билмадим, бир ҳийла қўлланилган.

Негадур жадвалда оддий 1ставка врач (ёки ҳамшира) учун белгиланган ойлик маошдан эмас 10 йил стажли врач, 5 йил стажли ҳамшира ойликларидан эталон сифатида фойдаланилган. Жадвални бир кўрганда буни кўпчилик пайқамайди, оддий врачнинг ойлиги шу бўлса керак деб тушунади. Натижада 2019 йил 1 апрелга бориб врачлар гўёки 3 млн. ҳамширалар 1.5 млн. ойлик олишади деган иллузия пайдо қилинган.

Аслини олганда ундай эмас. Бугунги кунда врачлар 700 минг сўм, ҳамширалар 400-500 минг сўм ойлик олаётганини Молия вазирлиги тан олишни ўзига ор деб билса, шу ойликларни уялмайдиган даражагача кўтариш устида бош қотирса яхшироқ бўларди. Вазирликдан аҳолини чалғитувчи “рақамлар ўйни"ни қилмасдан базис белгиланган ва аниқ кўрсатгичлар бўйича маълумот тарқатишларини сўраб қоламиз».

P.S.: Ростини айтсам, эрталаб жадвални кўрганда мен ҳам «со стажем 10 лет» деган жойини кўрмаган эканман. Ҳурматли шифокорлар, сабр қилинг, Худо хоҳласа албатта Сизларнинг ҳам ойлик иш ҳақларингиз кўтарилади, шу бўйича бош қотиришяпти шекилли. Мусулмончилик - аста -секинлик!

Каналга уланиш: 👇
https://t.me/joinchat/AAAAAEe1KDC7Hm03UPVooQ