Хивада Лазги халқаро фестивали очилди

«Лазги» халқаро фестивали старт олди, Президент табрик йўллади

Кеча Хива шаҳрида «Лазги» халқаро фестивалининг очилиш маросими бўлиб ўтди. Шавкат Мирзиёев фестивал иштирокчиларига табрик йўллаб, ўзбек миллий рақс санъати тарихида алоҳида ўрин эгаллайдиган, таъбир жоиз бўлса, унинг гултожи бўлган «Лазги» рақси ўзининг чуқур ҳаётий фалсафаси, бетакрор ижро усули ва жозибаси билан нафақат юртда, балки хорижий мамлакатларда ҳам кенг шуҳрат қозонгани алоҳида қайд этди.

«Кейинги йилларда Янги Ўзбекистонда маданият ва санъатнинг барча соҳалари қатори миллий рақс санъати турларини асраб-авайлаш ҳамда бу йўналишдаги ижодий мактабларга хос бўлган ноёб анъаналарни изчил давом эттиришга алоҳида эътибор қаратилмоқда», - дейилган мурожаатда.

Албатта, бу каби катта халқаро фестиваллар нафақат маданий ва санъат йўналишида, туризм соҳасида ҳам фойдали ва манфаатли бўлиши, шубҳасиз.

👉 @xushnudbek 👈