Ҳисоб палатаси тўғрисидаги қонун имзоланди

Ҳисоб палатаси тўғрисида қонун имзоланди

Президент Шавкат Мирзиёев «Ўзбекистон Республикасининг Ҳисоб палатаси тўғрисида»ги қонунга имзо чекди.

Қонун 50 та моддадан иборат.

👉 Қонунга биноан, Ҳисоб палатаси давлат ташқи аудити ва молиявий назоратининг олий органидир;

👉 Ҳисоб палатаси ўз фаолиятида бевосита Президентга бўйсунади, Президентга, шунингдек Олий Мажлис палаталарига ҳисобдордир;

👉 Ҳисоб палатасининг тузилмаси ва штатларининг чекланган сони Президент томонидан тасдиқланади;

👉 Ҳисоб палатасига Президент томонидан лавозимга тайинланадиган ва лавозимидан озод қилинадиган ҳамда Сенат томонидан тасдиқланадиган раис раҳбарлик қилади;

👉 Ҳисоб палатаси раисининг биринчи ўринбосари, ўринбосарлари, шўъба мудирлари, бош инспекторлари, етакчи инспекторлари ва инспекторлари Президент томонидан лавозимга тайинланади ҳамда лавозимидан озод қилинади;

👉 Ҳисоб палатаси ўз зиммасига юклатилган вазифалар ва ваколатлар доирасида дастлабки ҳамда якуний назорат тарзида тафтиш, текшириш ва ўрганиш шаклида назоратни амалга оширади;

👉 Ҳисоб палатаси ўз зиммасига юклатилган вазифаларни амалга ошириш мақсадида кўрсатмалар ва тақдимномалар қабул қилади, шунингдек таҳлилий маълумотлар ҳамда хулосалар тайёрлайди.

Ушбу Қонун 2020 йил 1 январдан эътиборан кучга киради.

Қонуннинг тўлиқ матни расмий манбаларда эълон қилинади.

👉 @xushnudbek 👈