Эмланишни рад этган ходимларни ишдан четлатиш белгиланмоқда
Xushnudbek.uzMatn1 daqiqa0tahrirlangan❗️Қонунчиликка эмланишга оид ўзгариш кириши мумкин
Олий Мажлис Қонунчилик палатасида Меҳнат кодексининг 113-моддаси ва «Фуқаролар соғлиғини сақлаш тўғрисида»ги қонуннинг 28-моддасига ўзгартиш ва қўшимчалар киритиш бўйича қонун лойиҳаси қабул қилиниб, Сенатга юборилибди. Бу ҳақда Спикер ўринбосари Алишер Қодиров хабар бермоқда.
Қонунга кўра, бундан буён шифокор рухсатига қарамасдан эмланишни рад этган ходим иш берувчи томонидан маошини сақламасдан ишдан четлатилиши мумкин бўлади.
Қонуннинг ҳозирги талқинига кўра, қуйидаги ҳолларда ходим иш ҳақи сақланмаган ҳолда ишдан четлатилиши мумкин эди:
➖ алкоголли ичимликдан, гиёҳвандлик ёки токсик модда таъсиридан мастлик ҳолатида ишга келганда;
➖ мажбурий тиббий кўрикдан ўтишдан бўйин товлаган ёки ўтказилган текширишлар натижалари бўйича тиббий комиссия тавсияларини бажармаган тақдирда.
Шахсан мен ушбу қонунни қўллаб-қувватлайман, ҳозирги эпидемиологик вазиятдан келиб чиқиб, бир қанча давлатлар, жумладан АҚШда ҳам шу каби қонунлар чиқарилмоқда ва бу мантиқан тўғри.
Аммо мени бошқа савол ўйлантирмоқда. Нега ушбу қонун лойиҳасининг матни жамоатчиликка эълон қилинмади? Ёки эълон қилиндию, мен кўрмай қолдимми? Унда, олдиндан узр.
👉 @xushnudbek 👈
