Давлат хизмати тўғрисидаги қонун лойиҳаси ва давлат тили
Ўзбекистон Республикасининг "О государственной службе" қонуни лойиҳасига биринчилардан бўлиб Бобохолов Сайфиддин исмли фойдаланувчи томонидан қуйидагича изоҳ қолдирилди:
"Ўзбекистон Республикасининг Давлат тили ҳақидаги Қонуни 8-моддаси "Ўзбекистон Республикасининг қонунлари, давлат ҳокимияти ва бошқарув органларининг бошқа ҳужжатлари давлат тилида қабул қилинади ва эълон этилади. Бу ҳужжатларнинг таржималари бошқа тилларда ҳам эълон қилинади." Ўзбекистон Республикасининг Конституцияси 4-моддаси "Ўзбекистон Республикасининг давлат тили ўзбек тилидир."
Аҳоли умумий сонида ўзбек тилини биладиганларнинг салмоғию, норматив-ҳуқуқий ҳужжатга ким томонидан фикр билдирилишини бир тарафга суриб қўйиб, биринчи навбатда, юқоридаги қонунчилик ҳужжатларига амал қилишда Адлия вазирлигининг ўзи ўрнак бўлиши керакмасми деган саволга жавоб бериш керак. Балки давлат тили тўғрисидаги Қонун ҳужжатларини бузганлик учун ҳам жавобгарлик жорий этиш керакдир ўзи."
Бугунги халқ аввалги халқ эмас, "ҳа, русча бўлса русчада" деб кетаверадиган. Бу каби хитоблар аввал ҳам бўлган, лекин жамоатчилик назорати кучаётган бир пайтда бу каби хитоблар кўпайиши табиий. Токи ўзбек тилининг ҳурмати жойига тушмагунгача, ҳали яна кўп давом этса керак, менимча.
**Каналга уланиш:* 👇
https://t.me/joinchat/AAAAAEe1KDC7Hm03UPVooQ
