Онлайн-нотариус лойиҳасида прописка бўйича савол

Адлия вазирлигининг "Онлайн-нотариус" лойиҳаси давом этмоқда. Бугун соат 15.00 дан бошлаб, Фейсбукдаги "Адлия билан мулоқот/Диалог с юстицией" саҳифаси орқали вазир ўринбосари А.Тошқулов саволларга беришни бошлайди.

Мен ҳам ушбу лойиҳага савол юборганман. Саволим қуйидагича:

Тошкент шаҳрида 11-банд билан доимий прописка қилинган шахс нотариус орқали уй-жой олди-сотди шартномасини тузиши учун пропискага кирганига 3 йил тўлганлиги тўғрисида маълумотнома тақдим қилиши керакми ёки ўша ташкилотда ишлаётганига 3 йил тўлганлиги ҳақида маълумотнома сўраладими? Яъни ташкилотда ишлаётганига 3 йилдан ошган ходим пропискага кирганига ҳали 3 йил тўлмаган бўлса ҳам, уй-жой олди-сотди шартномасини туза оладими?

Бу масалада амалиётда доим иккиланишлар бўлади. 11-банд билан доимий пропискага кирган кўпчилик ходимлар пропискага кирганимга 3 йил тўлиши керак деб, ўйлашади. Аслида ҳам шунақами? Адлия вазирлигининг расмий жавобини кутамиз.

Менимча, бу савол кўпчиликка қизиқ бўлса керак.

Каналга уланиш: 👇
https://t.me/joinchat/AAAAAEe1KDC7Hm03UPVooQ