Абитуриент рухсатномасини олишдаги муаммолар бартараф этилди
Абитуриент рухсатномасини олишда нега муаммо бўлмоқда?
Кўплаб абитуриентлар abitur.dtm.uz сайтидан рухсатномани кўчириб олишда муаммо бўлаётганлиги ҳақида мурожаат қилишган эди.
ДТМ ўзининг дастлабки баёнотида бундай узилишлар сайтга кираётган абитуриентлар сонининг кўплигига боғлиқ эмаслигини маълум қилди. Техник носозликларга асосий сабаб интернет тармоғида юз бераётган узилишлар эканлиги, агар интернет узлуксиз ишласа қанча абитуриент сайтга киришидан қатъи назар, рухсатномаларини юклаб олиш имконияти мавжудлиги айтилди.
Кейинроқ ДТМ иккинчи баёнотни берди. Унда UZINFOCOM, UZTELECOM ва ДТМ мутахассислари томонидан муаммо тезкорлик билан ўрганиб чиқилгани, бунда интернет тармоғида муаммо бўлмаганлиги аниқлангани ва техник носозликлар бартараф этилгани хабар қилинди.
Хабарда агар муаммо интернетда бўлмаса, унда тизимдаги хатоликка нима сабаб бўлганига ойдинлик киритилмаган.
ДТМ ҳозирда тизим тўлиқ ишлаётганини, бугуннинг ўзида 300 мингдан ортиқ абитуриентлар рухсатномасини юклаб олганини маълум қилган ва ноқулайликлар учун узр сўраган.
👉 @xushnudbek 👈
