Soliqçilar yakşanba kuni dam olişi belgilandi

​​Soliqçilar yakşanba kunini oila bağrida ötkazişlari belgilandi

Davlat soliq qömitasining raisi B.Musayev 18-fevral kuni «Davlat soliq xizmati organlarida soğlom turmuş tarzini joriy etiş töğrisida»gi buyruqni qabul qilibdi.

Buyruqdagi eng eʼtiborli bandlaridan biri - haftaning yakşanba kuni barça xodimlar oilasi davrasida dam olişi lozimligi belgilandi.

Unga köra:

- xodimlarni har yili şikofor körigidan ötkaziş uçun ixtisoslaşgan tibbiy muassasa bilan şartnoma tuziladi;

- tibbiy körikdan ötiş uçun xodimlarga moddiy yordam beriladi;

- gimnastika maşqlarini bajariş uçun iş vaqtiga kiritiladigan tanaffus joriy qilinadi;

- haftaning bir kuni «Salomatlik kuni» deb eʼlon qilinadi va xodimlar sport tadbirlarida iştirok etadi;

- xodimlarning belgilangan tartibda mehnat taʼtiliga çiqişlari nazoratga olinadi.

Umuman olganda bugungi kundagi vaziyatdan kelib çiqib, Soliq qömitasining bu qadamini faqat va faqat olqişlaş mumkin. Men 200% işonç bilan aytamanki, xodimlarni yakşanba kunlari ham işga çaqirib, 3-4 yillar mehnat taʼtiliga çiqişga ruxsat bermasdan işlatib, heç narsaga erişib bölmaydi, heç narsaga! Erişiladigan bitta narsa - bu kasalmand va ruhan ezilgan xodimlar sonini köpaytiriş böladi xolos.

Mana, körasiz, soliqçilar yakşanba kunlari dam olib, mehnat taʼtiliga öz vaqtida çiqişni boşlasa, iş orqaga emas, aksinça, oldinga ketadi.

Faqat bu gaplar qoğozda qolib ketmasa böldi. Çunki bunaqa oğzaki va yozma buyruqlar köp çiqqan, ammo ijrosiga kelganda hamma kör va kar bölib qolgan. Axir yuqori darajadagi yuridik hujjat hisoblangan Mehnat kodeksida 1994-yildayoq bu huquqlar belgilangandi, ijrosi töliq taʼminlangan deya olamizmi?

Yoki 2018-yil 27-avgustda Özbekiston Prezidenti Şavkat Mirziyoyev katta majlisda ham mansabdor şaxslar şanba kuni soat 17:00gaça işlab, yakşanba kuni işga çiqmasligi haqida topşiriq bergan hamda davlat mansabdorlari yakşanba kunlarida dam olib, vaqtini oilasi bilan ötkazişi lozimligini aytib ötgan edi.

Xöş, şu topşiriqlardan keyin ahvol keskin özgardi, deb ayta olamizmi?

Öşançun Soliq qömitasi raisining uşbu buyruğini xursandçilik bilan qabul qilgan holda taʼkidlamoqçimizki, yozilgan gaplar amalda ham ijrosi taʼminlansa böldi.

Kanalga ulaniş: 👇
https://t.me/joinchat/AAAAAEe1KDC7Hm03UPVooQ