Şavkat Mirziyoyev ÖzLiDeP Qurultoyida nutq sözladi

Şavkat Mirziyoyev ÖzLiDeP Qurultoyida nutq sözlamoqda. «Yangi Özbekiston – inson qadri ustuvor bölgan jamiyat va xalqparvar davlatdir» deb nomlangan nutqda hayotimizda “Davlat – insonlar uçun” degan xalqçil ğoya, izçillik bilan qaror topib borayotgani taʼkidlandi.

«Har qanday islohot quruq raqamlarda emas, balki, eng avvalo, aholining kundalik hayotida, uning dasturxoni va rözğorida öz aksini topişi zarur. Bu – hayotiy haqiqat.

Misol uçun, hozirgi vaqtda Özbekistondagi har 100 ta oilaga 162 ta televizor, 107 ta xolodilnik, 287 ta mobil telefon, 49 ta yengil avtomobil töğri kelmoqda. Boşqaça aytganda, mamlakatimizdagi oilalarning qariyb yarmi, özining şaxsiy avtomobiliga ega.

Yoki sönggi yillarda yurtimizda, ipoteka dasturlari doirasida, 140 mingdan ortiq uy-joylar barpo etildi. Bu raqamni oldingi yillarga soliştirganda, 10 martadan ham köp demakdir», - dedi davlat rahbari.

👉 @xushnudbek 👈