Qahramon Uzoqov nogironlik aravaçasida Toşkentga yetib keldi
Manba:Daryo — LIVE
Nogironlik aravaçasidagi haqiqiy Qahramon!
Şahrisabzlik Qahramon Uzoqov ismli vatandoşimiz Tashkent City qurilişini öz közi bilan köriş uçun nogironlik aravaçasida poytaxt tomon yölga çiqqani haqida yozgandik. Qahramon 400 kilometrdan ziyod masofani 16 kun deganda aravaçada bosib ötib, kuni keça Toşkentga yetib kelibdi.
Qahramonni Toşkentda Tashkent City direksiyasi rahbarining birinçi örinbosari Hayot Inoğomov va bir guruh quruvçi-muhandislar qarşi olgan (malades, Siti!). Direksiya rahbariyati nomidan Qahramonga sovğalar topşirilgan. Uzoq ham noodatiy safardan söng u toliqqan bölişi mumkin — Qahramon şifokorlar körigidan ötib, söng 7-iyul kuni Şahrisabzga qaytib ketgan. Bu safar yengil maşinada.
«Yöl davomida meni göyoki butun olam qöllab turdi. Suv berib ötadi, ozroq suhbat qiladi, suratga tuşadi... Kimdir qöyarda-qöymay pul berdi, heç bölmaganda signal çalib, jilmayib ötadi. Ular orasida tört-beş sökonğiçlari ham bor. Yöl-yölakay tunaş uçun joy topiş ham qiyin böldi... Yaxşilar dunyoda köp», deydi Qahramon.
Qahramon Uzoqov — haqiqiy Qahramon! Davrimiz Qahramoni! U bir özi nafaqat dunyoda yaxşilar köpligini, balki inson har qanday şaroitda ham özi orzu qilgan, özi niyat qilgan maqsadga yeta olişini isbotladi. Bir özi uçun emas, hamma uçun. Hammamiz uçun. Şuning uçun ham u Qahramon! Köngillarga yaxşilik ulaşganing uçun rahmat senga, Qahramon!
PS. Naşriyotlar, kinostudiyalar, imkoniyatni qöldan boy bermang — Qahramon Uzoqov sizning eng yaxşi imkoniyatlaringizdan biri bölişi mumkin; u haqda kitob çop eting, u haqda film suratga oling. Sizga şunday qimmatli va ölmas hayotiy voqea taşkil etib bergani uçun uni yaxşilab moddiy rağbatlantirişni ham unutmang (mualliflik huquqi degan narsalar bor, har holda).