Mulk huquqi kafolatlarini taʼminlaş böyiça yangi tartib
Manba:Huquqiy axborot
Fuqarolar va tadbirkorlik subyektlarining mulk huquqi kafolatlanişini sözsiz taʼminlaş böyiça qöşimça çora-tadbirlar töğrisida Prezident farmoyişi qabul qilindi (03.08.2019y., F-5491)
Farmoyişga köra, 2019-yil 5-avgustdan boşlab, fuqarolar va tadbirkorlik subyektlarining yer uçastkalarini olib qöyiş hamda köçmas mulk obyektlarini buziş işlari quyidagiça 3 bosqiçda amalga oşiriladi:
👉 hokimlar tomonidan buzilişi rejalaştirilgan hudud böyiça materiallar töplami Vazirlar Mahkamasiga kiritiladi;
👉 Vazirlar Mahkamasida şaharsozlik talablari böyiça va moliyaviy hisob-kitoblar böyiça xulosalar tayyorlanadi;
👉 xulosa Boş vazirga körib çiqiş va qaror qabul qiliş uçun kiritiladi.
✅ Şuningdek, Farmoyiş bilan:
👉 yer uçastkalari olib qöyilişi munosabati bilan fuqarolar va tadbirkorlik subyektlariga yetkazilgan zarar miqdorini xatlovdan ötkaziş böyiça respublika muvofiqlaştiruvçi işçi guruhi va hududiy işçi guruhlar tarkibi;
👉 xatlovdan ötkazişga kömaklaşiş uçun hududlarga biriktiriladigan masʼullar röyxati;
👉 xatlovdan ötkaziş hamda ularni qoplaşda yöl qöyilayotgan kamçiliklarni bartaraf etiş böyiça “yöl xaritasi” tasdiqlandi.
✅ Xatlovdan ötkaziş böyiça işçi guruhga:
👉 fuqarolar va tadbirkorlik subyektlariga yetkazilgan zararlarni joylarga çiqqan holda xatlovdan ötkazib, ularning qonunçilikka muvofiq bozor qiymati asosida haqqoniy va adolatli miqdorini belgilaş;
👉 yetkazilgan zararlarni qoplaşning aniq manbalari belgilaniş, agar zarar mansabdor şaxsning noqonuniy qarori qabul qilinişi oqibatida yetkazilgan bölsa – mazkur mansabdor şaxslardan regress tartibida undirib oliş;
👉 aybdor mansabdor şaxslarga javobgarlik çoralari köriş hamda qonun hujjatlari normalarini yanada takomillaştiriş yuzasidan aniq takliflar işlab çiqiliş vazifasi topşirildi.
✅ Hukumat tomonidan bir oy muddatda quyidagilarni nazarda tutuvçi qaror qabul qilinadi:
👉 davlat dasturlari, yirik investitsiya va boşqa loyihalarni hududdagi köpçilik aholining fikrini inobatga olgan holda amalga oşiriş;
👉 yer uçastkalari olib qöyilişida ularda joylaşgan köçmas mulk obyektlarining mulkdorlari bilan oçiq muhokamalar ötkazgan holda, birinçi navbatda, eskirgan va avariya holatidagi uy-joy fondi obyektlari, şu jumladan foydalanilmayotgan obyektlar bilan band bölgan yer uçastkalarini tanlab oliş;
👉 hokimlar tomonidan yer uçastkalarini olib qöyiş haqida qaror qabul qiliş uçun uşbu hududda joylaşgan turar va noturar köçmas mulk obyektlari mulkdorlarining roziligini oliş hamda yer uçastkasi olib qöyilişi oqibatida yetkazilgan zararni qoplaş böyiça yozma kelişuv tuziş.
Yer uçastkalari noqonuniy olib qöyilganligi munosabati bilan mulkdorlarga zarar yetkazilganligi uçun mansabdor şaxslarning javobgarligini kuçaytiriş yuzasidan Qonun loyihasi işlab çiqiladi.
Mazkur tartib farmoyişda körsatilgan yer uçastkalarini olib qöyiş va mulkdorlarga yetkazilgan zararlarni qoplaş tartibini belgilovçi Hukumat qarori qabul qilinguniga qadar amal qiladi.
Kanalga ulaniş👇👇👇
https://t.me/huquqiyaxborot
