Maktablar yangi öquv yilida qaysi tartibda oçiladi

❓Maktablar yangi öquv yilida oçiladimi? Vazirlik izoh berdi

Hozirda tegişli vazirlik va idoralar öquv yilini qay tarzda boşlaş ustida örganişlar olib boryapti. Bu haqda AOKAda ötgan brifingda Xalq taʼlimi vazirligi matbuot kotibi Laylo Rustamova maʼlumot berdi.

Bunda 3 ta ssenariy körib çiqilmoqda:

👉 Birinçisi, pandemiya holati barqarorlaşib, maktablar odatiy tartibda öz faoliyatini boşlaydi. Bu vazirlik va öquvçilar uçun eng maqbul variant.

👉 Ikkinçisi, SSVning Özbekistonda bolalarda virus keçişi böyiça xulosasi ijobiy bölmagan taqdirda taʼlim onlayn tartibda davom ettiriladi.

👉 Uçinçisi, gibrid ssenariy bölib, maktablar oçiladi. Maʼlum bir hudud va maktabdagi karantin holatidan kelib çiqib faoliyat olib boriladi. Bunda farzandi salomatligidan xavotir olgan ota-onalarga bolani uyda onlayn öqitişga imkon berilişi közda tutilgan, yaʼni bolaning maktabga boriş-bormasligi ixtiyoriy böladi.

Bu boradagi yakuniy xulosani Respublika maxsus komissiyasi qabul qiladi.

➡️ @uzauz